London, part 2

So awal pagi hari sabtu atu awal Wafiy bangun (woah....) sal mama telfon... Membagitau yg bapa ada menunggu d Paddington Station dah... Dpn kdi buku. So trus tah Wafiy tukar baju, pakai jaket (sajuk wah....) pastu jln ke station atu. Mana jauh, dlm 3 minit bejalan kaki ganya. Sampai saja dsana, pusing2 skjp kn mencari, akhirnya baru kejumpaan...

Pas sdh bertegur sapa dlm beberapa minit atu kami balik semula ke BH, kononnya kn betanya camna kn ke Brunei House (BHE). D BH wafiy singgah d bilik dulu, mliat semua tidur masih wafiy simpan dulu luggage yg bapa bawa dsana supaya inda pyh2 kn membawa beg masa mencari BHE atu.

Kemudian kami naik bas ke Bayswater, tempat adanya BHE atu. Sdh dsana atu ada tia masalah: kami inda pasti dmana BHE atu. Iatah pusing2 kami dskitar kawasan atu, mencari2. Lamanya lama bnr, antah inda pasti brapa lama tu. Last2 give up kami, balik kami semula ke BH.

D BH atu bapa menunggu d lobby, menunggu warden BH sal kn menanya dmana BHE atu. Sementara atu Wafiy ke bilik jap, brihat jap. Iatah pas Wafiy menanya kwn Wafiy klu diorang tau dmana BHE atu, diorang pun inda tau dmana. In fact diorang inda pernah dangar langsung pasal BHE atu...

Sdh stangah jam brihat atu kluar tia Wafiy balik ke lobby. Bapa duduk2 saja baru habis becerita sama warden BH atu. Sdh atu jln kami lagi ke Bayswater. Kali ani kami ada dah alamat BHE atu. Sdh kami dsana atu baru kami sdr yg bangunan BHE atu balik2 dah kami lintasi pagi atu, langsung inda ada tanda BHE atu langsung wah.

Dsini ada tia lagi masalah nah. Balik2 kami bell BHE atu, langsung inda bejawab. Kami cuba telfon jua, inda bejawab. Btw paginya atu ada kami telefon sdh BHE atu, bapa bagi salam dah, skalinya org atu menjawab :"Who's this?" hahahaha... salah nombor rupanya, yg menjawab atu orang putih... Bapa becakap atu pun pki bahasa melayu lagi....

Last2 give up kami.... Paksa kami sewa hotel saja... Mahal bnr, 50 pound satu malam. Yg paling murah sdh tu yg dpt kami jumpa. Sdh atu, biliknya damit brabis. Jambannya apa lagi, buka pintu, ada tandasnya atu, siringnya paip utk mandi. Atu saja. Damit brabis.

So malam atu inda Wafiy tidur d BH, d hotel atu tia saja... Awal lagi kami tidur tu, biasalah nyalih. So isuknya awal tia kami bangun (mcm banar...).

P.S- Sorry, ada error masa mengupload gambar, so tunggu2 sajalah, ok?