Ickwell

So tadi Wafiy ada Biology Field Trip ke Ickwell Nature Research and Research Area. Locationnya? Dlm 30 minit pki bas dari sekolah ke sana. Kami ke sana 18 org, klu campur tutors 21 org. Dsana kami mesti investigate percentage abundance and distribution of plant species... So kami mesti identify plants yg ada sama catit brapa banyak yg ada.

Sdh sampai dsana kami kana brief kn dulu dgn apa yg patut kami buat dsana. Masa atu baru Wafiy tau yg Ickwell atu Bedford School punya property... Patut jua ramai Bedford Boys yg ada dsana masa atu... So kami buat investigations ani in pairs, so Wafiy pair up dgn the Genius atu. Hehehe... Sanang ckit kraja, at least ia dpt tolong effectively jua lah....

So kami dsana atu dlm 4 jam atu (malas Wafiy kn describe apa yg kami buat atu, nada jua kamu kn faham atu kan? kan?) pastu baru balik sekolah. Sdh d sekolah kami inda kana suruh balik dulu, kana bagi rehat 30 minit pastu mesti report balik arah Biology Department. So kami paksa jualah report balik walaupun banarnya kami inda mau kn masuk class lagi. So sdh habis de-briefing atu kami patutnya masuk class kami lapas atu. Tapi sulnya nada yg masuk lagi, including Wafiy jua... haha... Ok kali tu, lagipun tutor Wafiy mana ada d sekolah masa atu, ia ada urusan lain. So Wafiy ke town skjp membali makanan pastu balik rumah.

Weekend Activities

SO lps dari Bristol Uni open day atu, balik ke sekolah mcm biasa lh... Yg lainnya saja hari jumaat atu ada mufti day i.e. wear-your-own-shirt-or-trousers-or-shoes day. In short pki uniform bebas lah... Sal masa ani summer kn, iatah ramai yg ke sekolah pki summer clothing saja... So mcm2 lah yg diorang pki, tau2 saja lah yg sdh summer ani ramai yg inda brapa suka kn panas nya atu. So ramai jualah yg makai baju nipis2 saja, beseluarpendek sama beselipar lagi.... Nampak sdh yg diorang atu dlm holiday mood sdh.

Sal kami makin hampir sdh kn end of term atu, pace kami blajar atu pun slowed down sdh. Kira relax saja lah masa belajar atu, nada heavy-duty stuff yg kami buat. Sal U6 sama Fifth Former semua balik sdh, yg tinggal d sekolah masa ani cuma yg L6, Removes sama Forth Formers. Iatah masa final week ani the forth formers ada activities week. Klu d compare sama yg d brunei activities week dsini ani cukup berbeza jua... Klu d Brunei activities nya mcm kempen kebersihan, or jogathon, marathon, shala thon2 yg lain, dsini diorang masuk hutan, paragliding, cricket, shooting (not sure jadi or inda) dll. Kira jauh berbeza lah.

Hari jumaat atu jua menandakan hari yg mana c Haq sama c Faiz lari dari sekolah... Diorang sama c Onn turun ke London sal kn mau 2 extra day kn relax d London sebelum balik Brunei. Klu c Onn inda Wafiy hairan, examnya lama sdh habis iatah klu ia ok tu klu balik awal. Tapi c Haq sama c Faiz patutnya balik pas term habis sal lessons masih ada... So diorang dua awal balik lah tu. Grr... Sabar sajalah. Iatah kwn boarders Wafiy yg lain (yg L6) sasak tu rh c Faiz sal ia saja yg balik awal atu... Kami yg lain stay sampai end of term.

Sdh atu hari sabtu ptg atu ada tia c Faiz call Wafiy, ia minta ambilkan warranty laptopnya. Apparently laptopnya rosak tia, iatah ia kn mau warranty atu. Camna Wafiy hantar? Well Wafiy jln ke Burnaby, bagi warranty atu arah c Wajeeh, pasal ia sama c Chern kn balik ke London jua. Flight diorang sama macam c Faiz sama c Onn, hari Isnin. So diorang 2 pun balik awal jua. Grr... Tinggal Wafiy seorang saja d Bedford School ani, senior Wafiy yg lagi 2 org atu pun balik Brunei sdh. Sabar.....

Lps menghantar warranty atu Wafiy trus rushing ke cinema sal kn mliat The Chronicles Of Narnia: Prince Caspian. Lama sdh Wafiy menunggu kn mliat film ani, sal d Brunei lama sdh main. So overall nya Wafiy cukup suka movie nya atu, except Wafiy rasa yg first one atu better. Tapi for sure movie ani lagi siuk dari The Hulk. Inda Wafiy tau knapa org lain suka kn mliat movie the Hulk atu, tapi inda Wafiy kesiukan. Anyway to each his own I think.

Well hari ahad atu kami ada House Barbecue. Ok jua masa atu, trasa special Wafiy masa atu sal makanan Wafiy semua kana grill rh satu grill special, khas untuk Wafiy seorang saja. Sal Wafiy seorang saja yg makan makanan halal dsini ani, yg lagi 2 orang atu balik sudah. Lama sdh inda kn makan burger ayam ani.... hahaha... So masa BBQ atu as usual kami main bola rh garden atu, Wafiy paksa jadi goalkeeper sal team Wafiy inda cukup orang (seorang atu akhir datang). Tapi ok jua lah, rekod 1 mng, 1 seri, 2 kalah. Hahaha.... Kira ok jua tu, sal kami ada 3 orang saja termasuk Wafiy, team lain semua ada 4 org. Sdh habis main bola atu kami main dodgeball ramai2... Yg bari cali masa team yg satu atu tinggal seorang saja. Ia lagi yg paling halus d rumah ani i.e. paling pendek + kurus. Klu kn d compare maybe damit lagi dari Fadli. Yg mlawan ia ani semua seniors i.e. Sixth Formers yg badan tagap2 atu, dlm 7 org. Bola yg kami pki atu bkn jenis lambut tu, jenis yg karas. So ia lari2 saja skitar pdg atu, kira kana buli lh...

Sdh atu ada beberapa announcement yg kana umumkan, specifically psl Head od House untuk tahun dpn. Well in general apa yg Wafiy expect lurus, except kali ani kami ada 3Head of House, satu untuk setiap term. So kira lurus guess Wafiy siapa yg dpt post atu lh...

Malamnya atu kami ramai2 mliat Euro 2008 Final rh common room, mliat match antara Spain dgn Germany. As yg kam patut tau dah, Spain muncul juara Euro 2008 ani. Iatah masa atu mengamuk jua kawan Wafiy yg dari Germany atu, especially masa Spain score. Dpt kami liat wah yg tension brabis ia mliat match atu, especially masa match atu kn habis.

So sdh atu Wafiy awal tdur, sal esoknya Wafiy jln lagi, kali ani ke Ickwell.

Bristol Uni Open Day

So... hari khamis lps Wafiy skip sekolah, kn ke University of Bristol, Bristol City, Avon. FYI waktu ani Bristol U ranked no. 10 d UK according to Times Online, tapi no. 3 untuk course Wafiy. Sama kn masuk ke uni ani very competitive, acceptance ratenya cukup randah. Tapi Wafiy harap Wafiy kana terima, sal Wafiy cukup impressed dgn apa yg Wafiy liat masa atu.

Journey kali ani mengambil masa dlm 2 jam 30 minit saja.... atu pun klu kira kn time masa arah train saja. Balum masuk time menunggu kn tukar train lagi. So kirakan dlm 3 jam saja lah. Kali ani dari Bedford Wafiy jln ke London dulu. Sdh d sana naik tube ke Paddington pastu pki train dari sana untuk ke Bristol direct, last stop d Bristol.

So waktu atu atu Wafiy seorang dir saja sal kwn Bruneian Wafiy yg lain nada sulnya yg kn apply ke Bristol. Klu d compare sama tiket ke Coventry masa atu harga tiket kn ke Bristol ani 3 kali ganda lagi mahal, maybe pasal singgah ke London ani lagi kali wah. Spanjang journey ke London atu Wafiy paksa bediri saja rh buffet area sal nada kerusi kosong lagi... Train masa atu over crowded sdh. At least ada jua dangan Wafiy bediri atu, ada seorang kwn Wafiy jua masa atu. Ia kn ke City University d London sal ada taster course. FYI taster course ani open untuk sesiapa saja yg kn cuba merasa rasa kn dtg lectures rh uni atu.

Sdh sampai d London Wafiy trus ke Paddington, kn tukar train. Akhir ckit Wafiy sampai dari apa yg Wafiy expect, so paksa menunggu 30 minit kn train yg satu lagi kn jalan. Sementara menunggu atu Wafiy ke Brunei Hall jap, kononnya kn visit c Chern sal ia stay overnight d London dari kelmarin nya atu sal ia visit open days rh UCL sama Imperial College. Syg wah masa atu Imperial sama Bristol open day nya sama harinya, klu inda dua2 Wafiy visit tu. Tapi sal Bristol ranked lagi tinggi untuk course Wafiy iatah Wafiy bagi priority rh Bristol atu. Anyway sdh dsana Wafiy ubah fikiran tia, sal takut Wafiy klu ia tidur masih, so Wafiy pusing balik lh ke train station saja, singgah rh Krispy Kreme membali donuts.... As Wafiy mention tadi Wafiy akhir bangun, iatah sarapan pun blum dmakan....

So on the way ke Bristol atu ada beberapa stop, yg Wafiy ingat ganya Reading sama Bath Spa. Maybe nanti half term next term Wafiy tour around Bath sal Wafiy kn apply rh University of Bath jua. Klu dliat dari train sulnya macam pleasant saja town nya atu, kawasannya atu kira hilly. Liatlah nanti camna sulnya. Finally sdh sampai rh Bristol Wafiy dpt mliat ramai lagi org yg kn visit Bristol Uni atu (sal sorang2 memegang brochure uni atu), so Wafiy ikut diorang lah naik bas yg mana satu atu, sama dimana diorang turun sal Wafiy sendiri lupa kn membawa brochure yg kana kirim arah Wafiy atu......

First stop Wafiy rh Wills Memorial Building... Atu kira entrance kn ke uni atu lh. Locationnya rh centre uni atu. Dari sana Wafiy jln menuju ke building untuk Biochemistry. Sal uni ani kira campus university, surrounding buildings at bangunan uni saja lah tu, bkn macam rh Cambridge Uni (town uni) yg mana bangunan uni atu may be surrounded by public shops. Basar jualah uni ani, bari nyalih jua kn mencari destination Wafiy atu. Bukan pasal sasat, tapi pasal uni ani kana locate rh kawasan yg berbukit... Placement nya ani kira macam ani lah: uni atas bukit, town bawah bukit.

So sdh sampai rh tujuan Wafiy atu Wafiy trus masuk rh salah satu lecture theatre dsana atu, mendangar lecture yg ada masa atu. Kira ok lh... Sdh atu tour rh department nya atu, mliat facilities yg ada dsana. Bkn mcm rh Warwick Uni yg mana diorang mliatkan seluruh kawasan department atu, dsini kami visit rh satu lab ani saja. Tapi Wafiy cukup impress jua lah dgn apa yg ada dsini ani.

So sdh atu Wafiy visit skjp rh town nya atu, tapi inda brapa lama lah. Tapi masa Wafiy dsana atu cukup ok town nya atu, cuma construction dmana2 ada. Eyesore wah tu. Town nya ada feel youthfulness, maybe sal town ani andang ramai population students nya atu.

Pas habis dsana atu Wafiy tour Wafiy jln saja skitar uni atu, mliat2 apa yg ada. Kn visit accommodations inda sampat, sal Wafiy paksa catch train lagi, krg takut akhir. Lagi pun kelaparan sdh Wafiy masa atu, so Wafiy singgah rh satu restauran halal dsana atu. Sdh atu baru tah balik semula ke London, pastu balik ke Bedford...

Images (from top to bottom) : Wills Memorial Building, Department of Chemistry, Department of Physics, Deaprtment of Engineering, Department Of Medicine, Victoria Rooms, Goldney House

Update... Finally

So sorry sal lama brabis sdh inda update blog ani... Sebulan sdh inda be update ani kn? Well as Wafiy mention sebelum ani, sepanjang 1 bulan blog ani inda be update atu exam period, so paksa jua d stopkan dulu blog ani, kn concentrate kan belajar.

Well inda lama pas last update blog masa atu ada prize-giving ceremony rh sekolah Wafiy. Unfortunately Wafiy satu hadiah pun inda dapat... Tahun dapan sajalah cuba... Kalau senior Wafiy dapat 2 hadiah, Wafiy pun boleh kan? Sudah atu start tia exam leave kami, so kami stay d rumah saja, klu ada exam saja baru ke sekolah sama klu kn cari makanan... Dalam period ani kami d Sandersons' ada 3 study sessions, 2 waktu pagi, 1 patang plus prep time setiap malam untuk belajar. Inda plg kana supervise waktu study atu, tapi kdg2 ada kana check tu. Iatah sehari atu ada yg kedapatan tidur waktu study session atu, iatah kana suruh cuci dapur waktu weekend atu... Faham2 sajalah, waktu weekend, especially rh all-boys boarding house ani kan, teruk tu dapur atu...

Satu minggu pas start exam leave atu kami ada half term holiday lagi untuk 1 minggu, so d London tia kami tu. Sdh dsana nada aktiviti lain yg kami buat except belajar, belajar, makan, belajar, belajar, tidur. Kira intensif jua lah belajar waktu atu...

Sdh habis half term kami cam biasa exams lagi... Untuk summer term ani Wafiy ada 8 paper yg kan dbuat, 3 untuk Biology, 2 untuk Math, 2 untuk Physics sama 1 untuk Chemistry. So camna tah? Prasan Wafiy examnya boleh tahanlah, kira confident jua lah kan dapatkan A atu (except Physics). Except ada jualah stuck ckit d beberapa paper atu, tapi Wafiy rasa masih boleh lah kan dapatkan A atu. Iatah lapas habis exam Chemistry atu kawan Wafiy seorang ani slalu tia mention 'electrophiles' rah Wafiy... Sal Wafiy salah bagi information arahnya sebelum start exam atu. Iatah ia cakap ia confuse tu waktu exam atu apa banarnya 'electrophiles' atu (untuk sapa2 yg inda tau, check wikipedia, Wafiy takut salah information lagi)... Nasib jua inda ada keluar waktu exam atu. Sejak atu asal Wafiy jumpa ia mesti ia mention tu, sampai d baginya Wafiy notes pasal topik atu, dsuruhnya bawa kemana2......

So lapas habis exams atu, sanang jua rasanya atu... Lessons kami bejalan as normal, except kami start syllabus untuk tahun dapan supaya inda membuang masa. Kira kami masa ani Upper Six sudah lah ni. Finally jua tu... klu kn di ikutkan patutnya Wafiy masa ani U6 sdh dari Januari...

Oleh kerana kami Upper 6 sdh, rh boarding house Wafiy kana kumpulkan tia semua U6 yg baru ani, untuk mencalonkan diri untuk jadi Head of House tahun dapan. As usual, Wafiy inda join nomination atu, malas rasanya. So sdh nominations atu kana adakan tia secret voting, resultnya kana bagitau 'on the last Sunday'. Tapi Wafiy rasa kami tau plg tu siapa yg dapat jadi Head of House atu, sal Wafiy expect semua kn vote yg sorang ani. Kira no challenge lah, voting atu kira untuk mencari Assistant Head of House saja lah tu.

Dimalam banyak Wafiy exercise turun naik tangga... Dari ground floor ke top (third) floor. Ada dalam 15 trip kali tu dari atas pastu ke bawah pastu naik lagi, sambil membawa luggage2 Wafiy yg bukan ringan atu. Sal Wafiy kana suruh pindah bilik sal ada visitor yg kan memakai bilik Wafiy atu. So Wafiy paksa jua pindah ke bilik d bawah ani yg kosong sdh sal senior Wafiy atu balik dah sal examnya (International Baccalaureate, bukan A Level) habis sdh sebelum half term atu. Tapi lum plg confirm bilik ani jadi bilik Wafiy untuk next academic year. Klu boleh Wafiy ok plg stay saja d bilik ani, ia kiranya cukup luas plus ia rah ground level, so inda payah membawa luggage Wafiy yg barat atu nanti naik ke atas...

Well what next? Inda lagi lama Wafiy pun kan bali Brunei sdh ni, kurang dari 3 minggu lagi. Sebelum balik atu ada beberapa aktivity lagi ni yg kan dbuat. Khamis dapan Wafiy ke University of Bristol Open Day, Wafiy kesana seorang saja kali tu sal kawan Wafiy yg lain antara inda minat kn ke sana or ke Imperial Open Day. Klu kn di ikutkan Wafiy mau jua kn ke Imperial atu tapi Bristol lagi bagus untuk course Wafiy, so ke Bristol tia saja lah. Lagipun klu rh Imperial melawat uni atu saja wah, inda pyh kn visit area nya atu sal ia di London. Malar sdh ke sana atu... Then sunday atu kami ada house barbecue, menandakan yg term ani kira kn habis sdh. Pas tu esoknya sdh atu Wafiy ada Biology Field Trip ke Ickwell, Bedfordshire kn membuat beberapa research. Iatah field trip pertama Wafiy ni... Tapi klu kn di compare sama field trip subject lain ani inda berapa, sal kawan Wafiy ada yg kn ke Morocco ni next term untuk Geography field tripnya... Tambangnya government sponsor iatah ia apa lagi, ikut saja. Sabar sajalah. So 2 hari sdh atu Wafiy jalan lagi, kali ani ke University of York Open Day. Ani Wafiy expect yg paling costly plg ni, sal ia jauh. Again maybe Wafiy seorang saja tu sal kawan2 Wafiy yg lain semua balik ke Brunei sudah... Tinggal Wafiy seorang saja.... Sdh atu esoknya Wafiy turun lagi ke London, kali ani kan visit Science Exhibition... 2 hari sdh atu baru tah Wafiy turun ke London sekali lagi, kali ani pasal end of term. Kira stay d London buat 1 malam pas tu baru balik Brunei.... Yeah!

Fuh, banyak jua yg Wafiy mention skali gus masa ani. Again sorry pasal lama sudah inda update blog ani. Sibuk jua wah. Insya Allah klu ada peluang lagi sdh ani makin slalu ni Wafiy update blog ani, especially in the coming weeks waktu Wafiy travelling ke sana sini. See ya..