Half Term

Well sorry inda ter update blog ani, mana inda masa half term (cuti pertengahan penggal) d London atu internet access jarang kan muncul-munculnya atu... Sekali atu ada tia wah tapi sekajap iatah inda banyak yg kn d post kan. Masa ani pun inda banyak banar yang Wafiy dapat ingat masa half term atu, slain bapa ada d London jua... Yay!

Anyway slama 2 minggu d London atu kiranya payah jua kn hidup atu... Camna jua, duit yg Wafiy bawa dari Bedford ganya 100 pound, mana cukup klu kn hidup d London ani slama 2 minggu atu. Kos makan sama transport atu saja tinggi dah. Indakan kan belapar ganya sama bekurung d Brunei Hall ganya... Boring jua tu.

Iatah masa start half term atu Wafiy sama 2 kawan Wafiy balik awal sal kan beraya wah, iatah sampai saja di Brunei Hall atu trus tukar baju raya (inda kami mau pakai baju raya dari Bedford ke London) bejalan kami ke Brunei High Commissioner, ada open house dsana. Banyak jualah yg Wafiy makan... Sal masa puasa lampau sikit Wafiy makan.

Sudah atu slama 1 minggu d Brunei Hall atu inda jua ada banyak yg dbuat. Sehari atu ganya kami semua jalan ke Bayswater, arah tempat ice skating, kononnya kan main ice skating tu. Skali kami sampai dsana panuh wah tempat atu, camna jua, masa atu saturday night. Kawan Wafiy ada pulang yg dpt masuk, tapi Wafiy inda dapat. So Wafiy sama 3 orang yg lain mengaga ke Whiteleys saja, mliat wyg Resident Evil. Punya mahal tiketnya atu, 9 pound.... Tapi kami byr jua, sal bnr2 kami kn mliat movie atu. Cam yg d Bedford atu, dsini free seating jua so awal kami masuk, kami pilih yg tangah2. Lama menunggu atu, mun nya kami masuk stangah jam lagi awal... Duduk2 saja kami masa atu, makan popcorn sama nachos sambil mliat skrin hitam yg basar atu...

Atu masa hari sabtu tu. Isuknya awal Wafiy tebangun atu so Wafiy mengaga arah lobby Brunei Hall atu. Ngam ada kawan Wafiy dsana, diorang kn mlawat Emirates Stadium. Mendangar saja yg diorang kn kesana trus Wafiy suruh diorang tunggu, Wafiy ngambil jaket sama kamera Wafiy. Mau jua kn at least dpt mlawat stadium atu sdh d London atu. Dari BH (Brunei Hall, malas kn taip panjang2) kami naik tube mengaga ke King's Cross Station, pastu ubah tube kan ke mengaga arah tube station 'Arsenal'... Hahaha... Promo lah ckit.... Kluar saja kami dari station atu ada signboard yg memberi arah ke stadium atu... Kwan Wafiy yg sorang atu iski banar wah iatah laju ia bjalan kesana atu... Akhirnya sampai lah. Dsana banyak jua kami begambar atu. Lawa kali ah stadium nya atu. Kn masuk dlm saja nda sampat sal kawan Wafiy atu kn balik ke bandarnya semula... Yg pentik siuklah...

So the rest of the week mengampai tia saja kami d BH atu, nada apa yg kn dbuat. Bangun akhir, mandi, makan, becerita, tidur akhir. Bangun akhir lagi. Iatah yg kami buat tu. At least, sampai hari sabtu atu...