Another normal week....

So.... lps exeat masa atu kami sekolah macam biasalah except masa isnin atu kami ada saturday morning timetable... meaning kami pakai timetable blajar yg hari sabtu untuk pagi atu untuk mengganti hari sabtu yg kami miss atu sal exeat. Faham? If inda, inda apalah sal bukannya penting berabis jua tu...

Oh minggu atu charity week so banyak event yg diorang adakan untuk meng raise £££ untuk Wafiy... oops charity... Anyway hari Isnin diorang adakan Cake Day. Waktu atu kek diorang jual di Dining Hall waktu break, biasanya nada tu! Atu inda plg Wafiy ingau tu, masalahnya masa atu period pertama Wafiy Physics....

Cikgu Physics Wafiy ada membagi test sebelum exeat, iatah nya kalau kami semua dapat at least 75% ia belanja kek... Ngam tia bah semua dapat 80% ke atas, banar kana bagi kek ih... Bukan seorang satu kek, satu kek untuk di share 13 orang (termaksu cikgu Wafiy atu). Sebab Wafiy puasa so paksa jua Wafiy reject kek atu. Sudah atu kek atu diorang makan masa atu jua... Macam nyaman lagi keknya atu... Sabar, sabar... At least Wafiy inda keseorangan meliat diorang atu makan, seorang kawan Wafiy atu puasa jua, ada jua dangan meliat orang makan atu...

Pastu hari selasa, pagi atu inda banyak yang ada, yang ada atu masa patangnya atu. Biasanya setiap hari selasa sama khamis, waktu patang kami ada games ie eca. Wafiy join badminton sal sports lain banyaknya new untuk Wafiy, lagipun lain term lain sports yang ada. So untuk memendekkan cerita Wafiy patut ke sekolah untuk main badminton jam 3.15 tapi Wafiy tertidur di rumah Wafiy, jam 3.10 baru kan tebangun. Apa lagi, akhir lah Wafiy kan kesekolah atu. Sudah atu hujan tia lagi... Akhirnya Wafiy lambat 30 minit, sudah atu kebasahan lagi... Cian...

Hari rabu inda ada banyak yg berlaku selain Wafiy ke town waktu ptg atu, kan membali payung... Baru2 ani hujan ganya wah, iatah paksa jua bali payung. Sudah atu menyinggah tia sekajap arah Dixy Chickens membali ayam 9 katul, 5 untuk Wafiy, 4 untuk kawan Wafiy... Kami kelaparan kali ah....

Hari khamis ikut banarnya kami kan membuka bank account tapi lupa tia kan mengambil passport kami yang besimpan arah housemaster kami atu, so paksa tia d cancel plan atu, ke town membali ayam saja lagi...

Hari jumaat di sekolah ada event - 'Wear Your Own Suit Day', yg mana kami mesti membayar £1 untuk setiap pakaian sekolah yg kami tukar. So hari atu ramai jualah yang memakai suit sendiri, rata-ratanya memakai blazer, tie sama t-shirt yg lain. Wafiy inda ikut menukar suit atu sal Wafiy mana ada suit yg kan dipakai except uniform sekolah atu... Indakan Wafiy kan membali satu set baru (dan mahal) untuk function voluntary anikan? Anyway sudah Wafiy balik rumah hari atu ada tia anjing yang menyubuk Wafiy sehari atu dirumah.... Confirm tia yg ia atu matron sorang atu yg punya, sama ia ada hari jumaat saja... Kali ani inda ia membubut Wafiy, maybe sal kawan wafiy yg lain ada dsana yg meng divert attentionnya atu? Anyway Wafiy rasa setiap hari jumaat baiktah Wafiy balik akhir sedikit...

Pastu masa hari sabtu sekali lagi ada kek yg cikgu Physics Wafiy share arah kelas atu (actually kawan Wafiy plg yg membawa atu sal nya cikgu Wafiy atu setiap hari sabtu bawa kek)... Sekali lagi kami dua meliat saja diorang makan kek atu... Pastu sal hari atu hari sabtu, kami sekolah half day saja, atu pun ramai sasak sal sekolah lain semua cuti hari sabtu atu, kami ganya yg ada sekolah hari sabtu. Iatah atu sebab cikgu Wafiy suruh bawa kek, untuk menaikkan semangat kami kan belajar masa hari sabtu atu. Waktu atu jua kami ada surprise test chemistry, sorang pun inda prepare untuk test atu... Tapi ok lah sal Wafiy ada dah belajar di Brunei... Masa waktu ptg atu bnrnya kami planning kan ke bank, masa kami baru kan keluar baru tah kami ingat yg hari sabtu bank buka separuh hari saja, so skali lagi kami cancel plan kami atu. Tapi kami keluar maih, jalan2 sekitar town atu. Sampat jualah Wafiy membali gloves, masa ani sajuk brabis dah dsini ani. Pastu hari atu kami sungkai di Pizza Hut. Nasib Wafiy masa atu baik, banarnya wafiy mengorder pizza yg individual ganya, sudah atu ia membagi pizza yg medium. Katanya yg individual inda diorang sadar yg ia habis dah so diorang membagi yg medium saja at no extra charges... So basically Wafiy mengorder pizza medium tapi harga individual... Hahaha siuk ih...

Lastly hari ahad - akhir brabis Wafiy bangun, maybe jam 11 lalu dah tu. Diorang yg lain semua ke chapel, so Wafiy dapat tidur akhir sikit lah tanpa diganggu oleh orang lain. Seharian atu Wafiy di rumah saja, online saja... Homework banyak habis dah, kan ke town malas jua so stay dsana saja solutionnya....

Fuuh, aktiviti seminggu atu semua paksa di compress jua sal outdated banar dah blog ani... Mana inda, connection internet ada problem iatah membari malas kan meng update waktu atu. So maybe ada ckit yg Wafiy inda ada mention dsini ani, so biarkan saja lah, ok?