Fasting time (no pun intended...)

Firstly selamat berpuasa kepada semua muslimin dan muslimat yang berada dimana saja... Tunaikan ibadah puasa sepenuhnya, jangan kan escape! Inda boleh beraya tu kalau inda complete!!! Hahahahaha

Anyway berapa lama sudah inda be update blog ani? 2 hari? Sibuk saja wah, iatah nada masa kan mengupdate...

Well kelmarin nda banyak yang berlaku disekolah, normal saja... Tapinya ada seorang murid Brunei yang baru sampai ke Bedford School... Orang Melayu ia... Malangnya ia kana assign ke House yang lain dari Wafiy so payah kan bejumpa, masa breakfast, lunch sama tea saja... Oh sama patangnya atu kami main badminton di sports hall sekolah.

Tadi di sekolah pun macam biasa saja except Wafiy paksa datang late assembly, atu pun sal Wafiy nda mau attend chapel assembly so nda Wafiy regret decision atu... Tapi sulnya diorang faham pulang tu... Pastu tadi patang Wafiy sama kawan Wafiy ke town, kan membeli bekalan untuk menunaikan ibadah berpuasa... Sebelum kami balik ke rumah kami singgah sekajap arah sebuah restoran halal, kan makan disana... Kami mengorder ayam sama pizza as well as minuman. Ayamnya awal sampai so kami makan atu dulu. Pizza akhir sampainya. Sudah tah kami mengorder pizza yang basar, diorang membagi lagi satu pizza basar sal buy one free one! Masa atu kan kanyang sudah, paksa kami sorang makan satu large pizza sendirian... Akhirnya nda pulang habis kami makan pizza atu so kami balik sajalah.

Sudah tadi patang jam 6 atu kami ada rehearsel untuk House Singing Competition, kana suruh menyanyi 2 buah lagu, tajuknya inda Wafiy ingat. Inda lama rehearselnya atu tapi boleh tahan jualah. Pastu sampai waktu prep, giliran Wafiy kan menjaga junior-junior atu membuat prep... Very annoying... Bising wah!

Well sampai sini dululah Wafiy membebel buat masa ani. nanti lagilah meng update blog ani.

P.S No advertisements on the Tag Board please...